काठमाडौं । गायक प्रकाश दुतराजले दशैं छेकोमा नयाँ गीत ‘रेशम’ ल्याएका छन् । सोमबार सार्वजनिक यो सुमधुर गीतमा मेलिना राईसँग र उनको युगल स्वर समावेश छ ।
यी दुई जनाले ‘रिमै’पछि दोस्रोपटक सांगीतिक सहकार्य गरेका हुन् । शब्द र संगीत पनि दुतराजकै हो । भेडा गोठालाको प्रेमकथालाई यसमा चित्रण गरिएको छ ।
लेकमा छायांकन यो गीत कर्णप्रिय पनि उत्तिकै छ । भिडियोमा दुतराजसँगै विमला लिम्बुको अभिनय छ । नृत्य निर्देशन मौसम हिमालीको हो ।
धादिङको उत्तरी भेग रुबी भ्यालीमा भिडियो छायांकन गरिएको हो । अनिल मानन्धरको छायांकन रहेको भिडियो आकर्षक लाग्छ ।
