सुख्खा खोकी यस्तो समस्या हो जसबाट आजकल धेरै मानिसहरु त्रसित छन् । जुनसुकै व्यक्तिलाई पनि खाेकी लाग्नु सामान्य कुरा जस्ताे भइसकेकाे छ । मौसम परिवर्तनका कारण यो रोग लाग्ने गर्छ, मौसम परिवर्तन हुँदा रुघाखोकीको असर हाम्रो शरीरमा सबैभन्दा पहिले हुन्छ । सास फेर्न गाह्रो हुने, छाती दुख्ने, घाँटी दुख्नेलगायतका समस्या देखापर्छन् ।
सुख्खा खोकीको कारण –
● हुपिङ कफ भाइरसको संक्रमणबाट यो रोग लाग्ने हुन्छ।
● कुनै पदार्थको कारणले पनि नाक र घाँटीमा एलर्जी हुँदा पनि सुख्खा खोकी लाग्न सक्छ।
● प्रदूषित वातावरणमा सास फेर्दा धुलो वा माटोको कारणले सुख्खा खोकी लाग्नसक्छ
● यदि तपाईलाई टिबि वा तपाईंलाई दम जस्ता रोगहरू छन्, तपाईंलाई सुख्खा खोकी पनि लाग्न सक्छ।
● फोक्सोको क्यान्सर भए पनि सुख्खा खोकी लाग्ने सम्भावना धेरै हुने गरेको छ ।
सुख्खा खोकीको लक्षण –
खोकी लाग्दा कफ बाहिर निस्कदैन । घाँटीमा हल्का दुखाइ हुन्छ । कहिलेकाहीँ धेरै बेर बस्दा घाँटी दुख्ने गर्छ ।
सुख्खा खोकीकाे घरेलु उपचार
महको सेवनले सुख्खा खोकीबाट छुटकारा : आयुर्वेदमा महलाई निकै महत्वपूर्ण मानिएको छ । यसको प्रयोगले धेरै प्रकारका रोग निको हुन्छ । सुख्खा खोकीका कारण घाँटी दुख्ने समस्यालाई महले कम गर्छ। सुक्खा खोकी लाग्दा एक गिलास मनतातो दूधमा मह मिसाएर पिउनुहोस्, छिट्टै यसबाट आराम मिल्छ।
सुक्खा खोकीलाई अदुवाले हटाउँछ : अदुवाले रुघाखोकीको समस्यालाई हटाउन पनि महत्त्वपूर्ण भूमिका खेल्छ। अदुवाको सानो टुक्रा लिनुहोस् र यसको सबै रस निकाल्नुहोस्, त्यसपछि यसलाई छान्नुहोस् र समान मात्रामा मह मिसाउनुहोस्। र तपाइँ यसलाई नियमित रूपमा दुईदेखि तीन दिनसम्म लिनुपर्छ । यसको निरन्तर प्रयोगले तपाईको खोकी छिट्टै निको हुन्छ ।
तुलसीको सेवन गर्नुहोस् : तुलसीमा एन्टी-ब्याक्टेरियल गुण पाइन्छ जसले संक्रमणको जोखिमलाई कम गर्छ र भाइरस र ब्याक्टेरियाको प्रभावलाई कम गर्ने काम गर्छ, यदि तपाईलाई सुख्खा खोकीले धेरै समस्या छ भने तुलसीको झाेल बनाएर सेवन गर्न सक्नुहुन्छ । यसका अलावा तुलसीको पातको रस अदुवाको रस र महमा मिसाएर सेवन गर्दा पनि धेरै फाइदा हुन्छ ।
अदुवाको सेवन गर्नुहोस् : अदुवा खोकीको प्राकृतिक औषधि हो । एक कप पानीमा अदुवाका केही टुक्रा उमाल्नुहोस्, त्यसपछि २ चम्चा मह मिसाएर दिनमा २–३ पटक पिउनुहोस् । रुघाखोकीमा आराम मिल्नेछ । साथै, सुख्खा खोकीबाट छिट्टै आराम पाउन अदुवाको केही टुक्रा चपाउन सक्नुहुन्छ।
नुन पानी प्रयोग गर्नुहोस्: नुन पानीमा धेरै प्रभावकारी गुण हुन्छ। यसले घाँटीको दुखाइ कम गर्छ र खोकीबाट पनि राहत दिन्छ। तपाईंले एक गिलास मनतातो पानीमा थोरै नुन हालेर १५ मिनेट कुल्ला गर्नुहोस्, यसले पनि तपाईंलाई धेरै फाइदा हुन्छ।
कागतीको प्रयोग गर्नुहोस्: कागतीमा भिटामिन सी पाइन्छ, जसले कफको संक्रमणलाई छिट्टै निको पार्ने काम गर्छ। २ चम्चा कागतीको रसमा १ चम्चा मह मिसाएर दिनमा २–३ पटक पिउनुहोस्, खोकी छिट्टै कम हुन्छ । एजेन्सीकाे सहयाेगमा
