काठमाण्डौ । निजामती सेवामा तहगत प्रणालीमा जाने निर्णयबाट संसदीय समिति पछि हटेको छ ।
प्रतिनिधिसभा, राज्य व्यवस्था तथा सुशासन समितिको बिहीबारको बैठकमा निजामती सेवा तहगत प्रणालीमा जाने सहमति भएकोमा समितले आज श्रेणी र तह दुवै प्रणालीमा जानुपर्ने संवैधानिक बाँध्यता रहेको भन्दै तहगत प्रणालीमा जाने निर्णयबाट समिति पछि हटेको हो ।
समिति तहगत प्रणालीमा जाने निष्कर्षमा पुुगेको भएपनि संघीय मामिला तथा सामान्य प्रशासन मन्त्रालयका सचिव रविलाल पन्थ र प्रधानमन्त्री तथा मन्त्रिपरिषद् कार्यालयका कानुन सचिव फणीन्द्र गौतमले संविधानको धारा नै उल्लेख गरेर संविधानमै श्रेणीगत व्यवस्था राखिएको भन्दै श्रेणी हटाउन नमिल्ने दाबी गर्नुभयो ।
त्यसपछि तहगत प्रणालीमा मात्रै जान संवैधानिक व्यवस्थाले नमिल्ने भएपछि श्रेणीगत र तहगत गरेर दुवै प्रणाली विधेयकमा राख्ने सहमतिमा पुगेको समितिका सभापति रामहरि खतिवडाले जानकारी दिनुुभयो ।
छलफलमा सांसद रघुजी पन्तले निश्चित समयसम्म श्रेणी र तह दुबैमा जाने र अन्तिममा तहगत जाने भन्नेमा स्पष्ट हुनुुपर्ने बताउनुुभयो ।
सांसद दिलेन्द्र प्रसाद बडुले संविधानमा नै उल्लेख भएकाले तह र श्रेणी दुवै लैजानुु नै उपर्युक्त हुने बताउनुुभयो ।
सांसद हितराज पाण्डेले लामो छलफल र बहस गरेर निर्णयमा पुुग्ने र फेरी अर्कोदिन अर्र्कै निर्णयमा जानुपर्ने अवस्था अन्त्य गर्नुपर्ने बताउनुुभयो ।
सांसद डा.चन्दा कार्कीले सहमति भइसकेको विषयमा फेरी पछि हट्ने कुरा राम्रो नभएको बताउनुुभयो ।
