चितवन । सहारा सहकारीको बचत अपचलन प्रकरणमा राष्ट्रिय स्वतन्त्र पार्टीका सभापति रवि लामिछानेको जिल्ला अदालत चितवनमा बयान सुरु भएको छ ।
अदालतका सूचना अधिकारी अमृत विश्वकर्माले न्यायाधीश दयाराम ढकालको इजलासमा सुनुवाइ सुरु भएको जानकारी दिनुभयो ।
बयान सकिएपछि बहस सुरु हुनेछ। बहसको सुरूमा सरकारी वकिलहरू, त्यसपछि जाहेरवाला सहकारी पीडित पक्षका वकिल र अन्तिममा प्रतिवादी पक्षका वकिलहरूले बहस गर्नेछन् । मङ्गलवार सरकारी वकिलको कार्यालयले साहारा चितवन बहुउद्देश्यीय सहकारी संस्थाको बचत रकम अपचलनमा सभापति लामिछानेसहित ३२ जनाविरुद्ध अभियोजन दर्ता गरिएको थियो।
१२ जनालाई सङ्गठित अपराध र ठगीको मुद्दा दर्ता भएको छ भने अन्यलाई ठगीमा मात्रै मुद्दा चलाइएको छ।
गोरखा मिडिया नेटवर्क प्रालिसँग सम्बन्धित तीन जनालाई दुवै मुद्दा चलाइएको छ।
