Thursday, July 18, 2024
घरपत्रपत्रिकामहामन्त्री ढकालमाथि रास्वपाले थप कारबाही अघि बढाउने

महामन्त्री ढकालमाथि रास्वपाले थप कारबाही अघि बढाउने

काठमाडौं/राष्ट्रिय स्वतन्त्र पार्टीको केन्द्रीय समितिको बैठक अहिले पनि जारी छ । बुधबार बिहान साढे ८ बजेबाट केन्द्रीय कार्यालय, वनस्थलीमा बसेको बैठक विवादबीच अघि बढिरहेको छ ।

बैठकको अध्यक्षता गर्दै सभापति रवि लामिछानेले महामन्त्री मुकुल ढकालको मागअनुसार लाइभ गर्ने कि नगर्नेबारे सहभागी नेताहरूको धारणा लिएका छन् ।

धारणा दिने प्रायः सबै नेताहरूले पार्टीको बैठक सञ्चालन कार्यविधिविपरीत आन्तरिक छलफलको विषय पार्टी रणनीति र कूटनैतिक रुपमा गलत हुने भएकोले सार्वजनिक गर्न नहुने अडान राखे ।

त्यसपछि सभापति लामिछानेले लाइभ गर्ने महामन्त्रीको प्रस्ताव निर्णयार्थ पेश गरे । सभापति लामिछाने र महामन्त्री ढकाललाई सहभागी नगराइएको प्रक्रियामा सतप्रतिशत सदस्यले लाइभ गर्न नहुनेमा अभिमत दिए । एक नेताका अनुसार सभापति लामिछानेले बैठकको लाइभ नहुने निर्णय तत्कालै सुनाए ।

सदस्यहरूको अभिमतअनुसार सभापतिले सुनाएको निर्णयमा महामन्त्री ढकालले असहमति जनाए।

उनले विरोधस्वरुप मुखमा मास्क र कालो टेप लगाएर बैठकमा सहभागी भए । ढकालको निर्णय र गतिविधि बैठक सञ्चालनको विधि, प्रक्रिया र कार्यविधि एवं पार्टी अनुशासन र हितविपरीत रहेको भन्दै सदस्यहरूले आपत्ति जनाए । त्यसपछि सभापति लामिछानेले बैठक १५ मिनेटका लागि स्थगित गरे ।

महामन्त्री ढकालका गतिविधिलाई अनुशासनको विषय बनाउने र आयोगले थप हेर्ने सहमतिपछि सभापतिले बैठक अगाडि बढाएका थिए। जसअनुसार यसअघि मिडियामा जथाभावी बोलेको आरोप झेलिरहेका ढकालमाथि यस प्रकरणमा पनि थप कारबाही हुने भएको छ ।

ढकालका गविविधि र अभिव्यक्तिले आन्तरिक लोकतन्त्रबारे पार्टी पंक्ति र सर्वसाधारणलाई जानकारी दिन बैठकको सुरुदेखि अन्त्यसम्मका प्रक्रिया सार्वजनिक गर्ने सहमति पनि नेताहरूले गरेका छन् ।

आजको बैठकमा सभापति लामिछानेले महामन्त्री ढकाललाई समीक्षा यात्राको प्रतिवेदन प्रस्तुत गर्न समय दिएका थिए । तर, ढकालले प्रस्तुत नगर्ने अडान लिए ।

उनले प्रतिवेदन प्रस्तुत नगर्ने भनेपछि सह-महामन्त्री कविन्द्र बुर्लाकोटीले पेश गरे । उनले १ घण्टा ३५ मिनेट लगाएर ढकालको ३२ पृष्ठको प्रतिवेदन पढेर सुनाएका छन् । बैठकमा ढकालको प्रतिवेदनमा छलफल जारी छ। प्राय: सबै सदस्यले धारणाा राखिसकेका एक नेताले बताए ।

अर्को के पढ्ने...
- Advertisment -spot_img
- Advertisment -