रौतहट- जिल्ला प्रहरी कार्यालय रौतहटले ३० दिनभित्र ४१ जना फरार प्रतिवादीलाई पक्राउ गरेको छ ।

फैसला कार्यान्वयन अन्तर्गत अदालतबाट कैद तथा जरिवाना सजाय रोकिएर फरार रहेका ४१ जना प्रतिवादीलाई जिल्ला प्रहरी कार्यालय तथा मातहतका युनिटहरूले पक्राउ गरेको हो ।

गत जेठ १ देखि ३० गतेसम्म पक्राउ परेका सबै जना फैसला कार्यान्वयनका लागि जिल्ला अदालत गौरमा बुझाइएको जिल्ला प्रहरी कार्यालयले जनाएको छ।
जिल्ला प्रहरी कार्यालय रौतहटको प्रमुखको जिम्मेवारीमा यतिखेर प्रहरी उपरीक्षक दिलीप घिमिरे रहेका छन् ।