बाँके । बाँकेको जानकी गाउँपालिका वडा नम्बर ६ स्थित एक जडीबुटी उद्योगमा आगलागी भएको छ । स्थानीयका अनुसार व्यापारी राजेश जैनले सञ्चालन गरेको जैन जडीबुटी उद्योगमा बिहीबार बिहान ७ बजेतिर आगलागी भएको हो ।
आगो निभाउन दमकल पुगेपनि नियन्त्रणमा आउन नसकेको बाँके प्रहरीले जनाएको छ । गर्मीयाम सुरु भएसँगै आगलागीका घटना हुन थालेका छन । जडीबुटी उद्योगमा लागेको आगो नियन्त्रणमा स्थानीय बासिन्दा, सुरक्षाकर्मीहरुले प्रयास गरी रहेको इलाका प्रहरी कार्यालय कोहलपुरले जनाएको छ ।
