१२ चैत, काठमाडौं । एएफसी एसियन कप छनोट अन्तर्गत अन्तिम चरणको पहिलो खेलमा नेपाल मलेसियासँग २-० ले पराजित भएको छ ।
समूह ए अन्तर्गत मलेसियाको जोहोरस्थित इब्राहिम सुल्तान स्टेडियममा भएको खेलमा नेपालले दुवै हाफमा गोल व्यहोरेको थियो ।
चार दिन अघि सिंगापुर विरुद्ध मैत्रीपूर्ण खेलमा १-० को जितसहित उच्च मनोबल बनाएर मलेसिया पुगेको नेपालले फिफा वरियतामा ४३ स्थान माथि रहेको मलेसियासिया माथि चुनौती पेश गर्न सकेन ।
मलेसियालाई घरेलु मैदानमा जितसहित छनोट यात्रामा सुखद सुरुवात दिलाउन हेक्टोर हेभेल र ला’भेरे कोर्बिन ओङले एक-एक गोल गरे ।
पोर्चुगलको पोर्टिमोनेन्समा व्यावसयिक फुटबल खेल्ने हेक्टोर यसै खेलका लागि मलेसियन टिममा समावेश भएका थिए । उनले मलेसियाका लागि पहिलो खेलमै डेब्यु गोल गर्दै यादगार बनाए ।
यस्तै दोस्रो हाफमा मलेसियाले गोल थप्यो । कोर्बिन ओसले ७०औं मिनेटमा गोल गरेका थिए ।
मलेसियन क्लब जोहोर दारुल ताजिमबाट क्लब पुटबल खेल्ने कोर्बिन अनुभवी खेलाडीमा पर्छन् ।
एसियन कप छनोटको समूह बी मा मलेसियाले जितसहित ३ अंक जोडेको छ । नेपालले भने हारबाट छनोट यात्रा सुरु गरेको छ । नेपालले आगामी जुनमा लाओससँग अवे म्याच खेल्ने तालिका छ ।
नेपालले मलेसियासँग पहिलो खेल होम म्याच खेल्ने तय भएपनि नेपालको दशरथ रंगशालमा अन्तर्राष्ट्रिय मान्यता नपाउँदा नेपालले घरेलु खेल मलेसियामा गएर खेल्नुपरेको हो । यद्यपी अखिल नेपाल फुटबल संघ (एन्फा) ले नेपाल र मलेसियाले होम म्याच स्वाप (साटेको) गरेको र आगामी नोभेम्बरमा मलेसियाको घरेलु मैदानमा खेल्ने भनिएको म्याच नेपालमा खेलिने जनाएको छ ।
यस समूहको अर्को खेलमा भियतनामाले लाओसलाई ५-० ले हराएर सानदार सुरुवात गरेको छ ।
