काठमाडौं । तपाईं नेटफ्ल्क्सिको नियमित दर्शक हुनुहुन्छ भने यो समाचार रोचक हुनसक्छ । यो विश्वचर्चित ओटीटी प्लाटफर्ममा पछिल्लो साता धेरै हेरिएका शीर्ष १० कथानक फिल्म कुन हुन् ?
सार्वजनिक सूचीअनुसार, धेरै हेरिएका शीर्ष दशको नेटफ्ल्क्सिको सूचीमा विभिन्न जनराका फिल्म छन् । शीर्षस्थानमा एन्थोनी र जोय रुसो निर्देशित हलिउड साइन्स फिक्सन, एक्सन, एड्भेन्चर ‘द इलेक्ट्रिक स्टेट’ छ ।
यो फिल्मलाई यस साता मात्र २२.५ मिलियन पटक हेरिएको छ । यो फिल्म २ सातादेखि लगातार शीर्षस्थानमा छ ।
क्रिस प्राटको शीर्ष भूमिका रहेको फिल्मले एक टुहुरी किशोरीले आफ्नो हराएको भाइलाई खोज्न रहस्यमय रोबोट लिएर सडकमा निस्कन्छिन् । यसका लागि उनले एक तस्कर र उसको चलाख सहकर्मीसँग सहकार्य गरेकी छन् । यो फिल्म अहिले पनि २५ देशको ट्रेन्डिङको शीर्षस्थानमा छ ।
दोस्रो स्थानमा ‘द ट्विस्टर : कट् इन द स्टोर्म’ छ । यो वृत्तचित्रले मे २०११ मा, अमेरिकाको मिसौरीको जोप्लिनमा एउटा विशाल आँधीबेहरीले तहसनहस पारेको घटनालाई हृदयस्पर्शी दृश्यसहित पेश गर्छ ।
तेस्रो स्थानमा ‘डेन अफ थिभ्स २ : प्यान्टेरा’ छ । चौंथोमा ‘क्राभेन द हन्टर’ छ । पाँचौमा ‘अ क्वाइट प्लेस : डे वन’ छ । छैटौंमा ‘द प्लान्कटोन : द मूभी’ छ । सातौंमा ‘डेस्पिकेबल : मी ४’, आठौंमा ‘मर्बियस’, नवौंमा ‘इन्फिनिट स्टोर्म’, दशौंमा ‘ट्राप’ छ ।
नेटफ्ल्क्सिको सिरिज विधातर्फ भने लगातार २ सातादेखि ‘एडोलसेन्स’ छ ।
