लागु औषध मुद्दामा दोषी ठहर भएका व्यक्ति २५ वर्षपछि पक्राउ

२४ पुस, काठमाडौं । लागु औषध मुद्दामा दोषी ठहर भएका व्यक्ति २५ वर्षपछि पक्राउ परेका छन् ।

पक्राउ पर्नेमा कपिलवस्तुको विजयपुर गाउँपालिका–१ का ५१ वर्षीय कृष्णबहादुर चौधरी छन् । उनीविरुद्ध कपिलवस्तु जिल्ला अदालतले २८ चैत २०५६ मा ३ वर्ष कैद र २५ हजार रुपैयाँ जरिवाना सुनाएको थियो ।

उनलाई कैद भुक्तानका लागि कारागार चलान गरिएको कपिलवस्तुका एसपी निरन्जनदत्त भट्टले बताए ।