वीरगंज/वडा प्रहरी कार्यालय श्रीपुरका प्रहरीहरू सेवाग्रहीहरूसँग बदमासी र दुर्व्यवहार गरेको समाचार प्राप्त भएको छ।
फाल्गुण ४ गते राती ८ बजे गहवामा एक चोरले स्थानीय महिलाको हातबाट मोबाइल खोसेर भाग्दा ती महिलाको छोरा र स्थानीय व्यक्तिहरुले लखेटेर चोरलाई समाती वडा प्रहरी कार्यालय श्रीपुरमा बुझाए। ती पीड़ित महिलाको मोबाइल खोसख़ास भएर फुट्यो। दशीको लागि प्रहरीले मोबाइल आफूसँग राख्यो। ५ गते मोबाइलको सिम माग्न जाँदा इंस्पेक्टर साहेब हुनु हुन्न भनि जवाफ फर्काए।
पीड़ित महिलाको आफन्त अनमोल र स्थानीय दिलिप साह शनिवार पुनः सिम माग्न जाँदा सई राम पदार्थ साह (आरपी साह) र असई राजाराम यादव (आरआर यादव)ले दुर्व्यव्हार गरेका छन्।
दिलिप साह भन्ने स्थानीय युवालाई सई साहले थुन्न धम्की दिंदै धकेला धकेल गरेर “तेरो नेता उपेन्द्र यादवलाई फोन गरुँ?” भनि धमक्याएका थिए। इंस्पेक्टरलाई फोन गरेर जानकारी गराउँदा मैले भनेको भन्नुस भनेर इंस्पेक्टरले दिलिपलाई भने । तर सई साहले आफू इंस्पेक्टरलाई फोन नगर्ने भनि झोक देखाएर उसलाई जरुरी छ भने आफै फोन गर्छ भनि इंस्पेक्टरको इज्जतलाई धूलिसात बनाए।
इंस्पेक्टर डिल्ली राज सापकोटा रकमी ब्यवहारको भएका कारण तल्ला दर्जाका प्रहरीहरुले टेर्न छाडेका छन्। आफ्ना गुनासा लिएर जाने पीड़ितहरूसँग वडा प्रहरी कार्यालय श्रीपुरमा दिनहुँ दुर्व्यवहार हुने गरेको छ। इंस्पेक्टर सापकोटाले सई साहलाई फोन गरेपछि मात्र उनले सिम कार्ड फिर्ता गरेका थिए।
