काठमाडौं । जनमत पार्टीले माघ ५ गते वडा स्तरमा बलिदानी दिवस मनाउने भएको छ ।
जनमत पार्टीका महासचिव चन्दन कुमार सिंहले एक विज्ञप्ति जारी गरेर माघ ५ गते सबै वडामा बलिदानी दिवस मनाउने बताएका हुन् ।
विज्ञप्तिमा भनिएको छ, ‘ … शनिबारको दिन बेलुका जनमत पार्टीले सबै वडामा वडास्तरीय मधेश बलिदानी दिवस मनाउने निर्णय गरेको हुनाले शहीदको फोटो, मैनबत्ती र दिप प्रज्जवलन गरी मधेश बलिदानी दिवस मनाउन हुन सबैलाई जानकारी गर्दछौं।’
यसका साथै पार्टीले उक्त दिन शहीदको फोटो, मैनबत्ती र दीप प्रज्जवलन गर्न पनि आग्रह गरेको छ ।
