काठमाडौं। सत्ता गठबन्धनबीच मन्त्रीमण्डल बाँडफाँटका बिषयमा सहमति जुटेको छ।
प्रधानमन्त्री निवास बालुवाटारमा बुधबार बसेको गठबन्धनको बैठकले मन्त्रीमण्डल बाँडफाँटका बिषयमा सहमति गर्दै बिहीबार मन्त्रीपरिषद् विस्तार गर्ने निर्णय गरेका हुन्।
गठबन्धनभित्र कांग्रेसलाई आठ, माओवादी केन्द्र ५, नेकपा एकीकृत समाजवादीलाई दुई, लोसपा १, नागरिक उन्मुक्ति पार्टी १, प्रभु शाह १, जनमतलाई थप १ राज्य मन्त्री, नेसपालाई १ र जसपालाई दुई मन्त्रालय दिन सहमति भएको बैठकमा सहभागी एक नेताले जानकारी दिए।
बिहीबार बिहानसम्म सवै दलहरुले प्रधानमन्त्रीलाई नाम बुझाउने र साँझसम्म मन्त्रीमण्डल विस्तार गर्ने तयारी भएको छ।
बैठकपछि जसपा वरिष्ठ नेता राजेन्द्र श्रेष्ठले बिहीबार बेलुकीसम्म मन्त्रिपरिषदले पूर्णता पाउने जानकारी दिए। उनले गठबन्धनमा रहेका राष्ट्रिय जनमोर्चा बाहेक ९ दल सरकारमा सहभागी हुने बताए।
कुन दलले कुन मन्त्रालय लिने भन्ने बिषयमा भने दलहरुबीच पुन छलफल हुने र निष्कर्षमा पुगिने श्रेष्ठले जानकारी दिए।
बैठकमा न्यूनतम साझा कार्यक्रममा सुझाव लिने काम पनि भएको छ।
