प्रेमचन्द्र झा
राैतहट। गरुडा नगरपालिकाका दुईवटा माध्यमिक विद्यालयले अनिश्चितकालीन रुपमा पठन पाठन बन्द गर्ने निर्णय गरेका छन् ।
नगरपालिकाले लामाे समयदेखि राेक्का गरेको बैंक खाता फुकुवा नभए अनिश्चितकालीन पेनडाउन गर्ने स्थानीय दुई विद्यालयले चेतावनी दिएका हुन् । खाता फुकुवा नभएपछि विद्यालयमा कार्यरत शिक्षक/कर्मचारीलाई तलब खुवाउन समस्या भएको बताउदै खाता फुकुवा नगरिए यही फागुन २ गते देखि अनिश्चितकालीन पेनडाउन गर्ने शिक्षक कर्मचारीको बैठकले निर्णय गरेका हुन् ।
खाता फुकुवाका लागि नगरप्रमुख कन्तमणी प्रसाद जयसवाललाई पटक पटक अनुराेध गरे पनि सुनुवाइ नभए पछि अनिश्चितकालीन पेनडाउन गर्नु परेकाे माध्यमिक विद्यालयगरुडाका प्रधानाध्यापक प्रभु पटेलले बताए । नगर प्रमुखलाई सम्बोधन गरि सो व्यहोराको ज्ञापनपत्र नगरपालिकालाई बुझाई सकिएको कुरा माध्यमिक विद्यालय श्रीपुरका प्रधानाध्यापक रामआधार पासवानले जानकारी दिएका छन् ।
खाता फुकुवा नहुँदा भोग्दै गरेका समस्यालाई लिएर शिक्षक/ कर्मचारीको बैठकबाट वाध्य भई पेनडाउन गर्ने निर्णय गर्नु परेको प्रधानाध्यापक पासवानले वताए ।
यसैबीच माध्यमिक विद्यालय गरुडामा कार्यरत शिक्षक/ कर्मचारीको आईतबार बसेको बैठकले समेत पेनडाउन गर्ने निर्णय गरेको प्रधानाध्यापक प्रभु पटेलले बताएका छन ।
नगरपालिकालाई बझाईएको ज्ञापन पत्रको ब्यहोरा जिल्ला प्रशासन कार्यालय राैतहट लगायतका सुरक्षा निकायलाई पहलका लागि सम्बन्धित विद्यालयले बाेधार्थ समेत गरेका छन ।
