क्राइमचेक प्रतिनिधि/
वीरगंज/ सशस्त्र प्रहरीले बीरगंजबाट बेवारिसे अवस्थामा भारतीय नम्बरको कार बरामद गरेको छ ।
पर्साको वीरगंज-२५ आईसीपी गेट बाहिरतर्फ पार्किंङको कुनमा फाल्गुण ४ गते राती आठ बजेदेखि बेवारिसे अवस्थामा राखिएको छ भन्ने सूचनाको आधारमा सशस्त्र प्रहरी बल नेपाल नं. १३ गण हे.क्वा. पर्साबाट सशस्त्र प्रहरी निरीक्षक देवेन्द्र रोकाको कमाण्डमा खटिएको प्रहरी टोली उक्त स्थानमा गई चेकजाँच गर्दा सवारी सम्बन्धी कुनै कागजात नभएको DL4ES5694 नम्बरको HUNDAI कम्पनिको भारतीय कार बरामद गरिएको सूचना अधिकारी सशस्त्र प्रहरी नायब उपरीक्षक सन्तोष कुमार बस्नेतले जानकारी दिनु भयो ।
ताला लक गरि ब्याट्री निकाली पछाडिको डिकीमा राखि बेवारिसे अवस्थामा छोड़िएको उक्त कार चोरीको हुन सक्ने आशंकामा नियन्त्रणमा लिई १० लाख मुख्य कायम गरि वीरगंज भन्सार दाखिला गरिएको डीएसपी बस्नेतले बताउनु भयो ।
