काठमाडौँ । सन्तोष गोङ्बाको ह्याट्रिक प्रेरित न्यु रोड टिम (एनआरटी)ले ललित स्मृति एन्फा यु–१८ युथ लिगमा आइतबार चर्च ब्वाइज युनाइटेडविरुद्ध ३–० को सहज जित निकालेको छ ।
जितसँगै एनआरटी १२ खेलमा २५ अङ्क जोड्दै दोस्रो स्थानमा यथावत् छ । एक खेल कम खेलेको नेपाल पुलिसको २६ अङ्क छ । हारसँगै चर्च ब्वाइज १२ खेलमा १४ अङ्क जोड्दै नवौं स्थानमा कायम छ ।
सातदोबाटोस्थित अखिल नेपाल फुटबल संघ (एन्फा) को मुख्यालय मैदानमा सम्पन्न खेलमा सन्तोषले पहिलो हाफमै ह्याट्रिक गरेका थिए । सन्तोषले १७, २२ र २९औँ मिनेटमा गोल गरे ।
