१४ असोज, काठमाडौं । गत शुक्रबारको वर्षाका कारण क्षतिग्रस्त बनेको बीपी राजमार्ग दशैं अगाडि नै सञ्चालनमा ल्याउन त्यस क्षेत्रका नेताहरुले भौतिक पूर्वाधार तथा यातायात मन्त्री देवेन्द्र दाहालसँग माग राखेका छन् ।
सोमबार मन्त्री दाहाललाई ज्ञापनपत्र बुझाउँदै नेताहरुले क्षतिग्रस्त सडक तत्काल सञ्चालनमा ल्याउने व्यवस्था गर्न माग राखेका हुन् ।
‘तीन हजार भन्दा बढी मानिस अहिले पनि अलपत्र छन्, उनीहरुको उद्धारका निम्ति पनि तत्काल सडक सञ्चालन ल्याउनुपर्छ’, एमाले नेता यज्ञराज सुनुवारले भने ।
तत्काल बन्न नसक्ने सडक खण्डमा वैकल्पिक व्यवस्था अगाडि बढाउन पनि माग राखिएको उनले बताए । ज्ञापनपत्र बुझाउन सुनुवारसहित गणेश पहाडी, जगनाथ खतिवडा, कैलाश ढुंगेल, रत्न गौतम लगायत नेताहरु पुगेका थिए ।
