वीरगञ्ज । पूर्वपश्चिम लोकमार्ग अन्तरगत पर्सा राष्ट्रिय निकुञ्जको आधाभारस्थित सडक खण्डमा आज अपराह्न ३ः३० बजे कारले मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको छ ।
वीरगञ्जबाट हेटौडातर्फ जाँदै गरेको विएबी ५०३५ नम्बरको कारले विपरीत दिशाबाट आउँदै गरेको बा ५८ प ४१४५ नम्बरको मोटरसाइकललाई ठक्कर दिँदा सर्लाही जिल्ला बागमती नगरपालिका–४ जिराइत टोल बस्ने ३५ वर्षीय मान बहादुर प्रधानको घटनास्थलमै मृत्यु भएको प्रहरीले जनाएको छ ।
ठक्कर दिने कारका चालक काठमाडौँ बस्ने ४० वर्षीय मनोज घिमिरेलाई प्रहरीले नियन्त्रणमा लिएको छ ।
