१८ चैत, काठमाडौं । आज मुस्लिम समुदायले इद उल फित्र पर्व । नजिकका मस्जिदमा भेला भएर मुस्लिम समुदायले प्राथना गर्नुका साथै शुभकामना आदानप्रदान गरेर मनाइरहेका छन् ।
इद उल फित्र मुस्लिम समुदायको महत्वपूर्ण चाडमध्ये एक हो । यो चाड इस्लामिक पात्रोअनुसार नवौँ महिना रमजानभर गरिएको उपवास (रोजा) को समापनमा मनाइन्छ ।
रोजाको दौरान मुस्लिम धर्मावलम्बीहरूले सूर्योदयदेखि सूर्यास्तसम्म भोजन, पानी तथा अन्य भौतिक सुख–सुविधाबाट टाढा रहन्छन् । जानकारहरुका अनुसार, यो अवधिमा आध्यात्मिक शुद्धता, दानशीलता, सहानुभूति, तथा आत्मसंयमको अभ्यास गरिन्छ ।
सरकारले यस पर्वको अवसरमा आज सार्वजनिक बिदासमेत दिएको छ ।
काठमाडौंको जामे मस्जिदका केही तस्वीरहरू :
तस्वीरहरू : विकास श्रेष्ठ
