काठमाडौं । प्रेस सेन्टर नेपालको पाचौं अधिवेशनबाट अध्यक्षमा कमल गिरी विजयी हुनुभएको छ ।
काठमाडौंको थापागाउँमा राति अबेर सम्पन्न मतदानबाट प्रतिस्पर्धी उम्मेदवार दीपेन्द्र रावललाई १ सय ९१ मतको अन्तरले पछि पार्दै गिरी विजयी हुनुभएको हो । गिरीले ३ सय ६६ मत प्राप्त गरेर अध्यक्ष पदमा विजयी हुनु भएको हो।
त्यस्तै, वरिष्ठ उपाध्यक्षमा सुरेशचन्द्र अधिकारी ३ सय ९७ मत ल्याएर विजयी हुनुभएको छ, जबकि उहाँका प्रतिस्पर्धी सुदिप वर्देवाले १ सय ११ मत प्राप्त गर्नुभयो । । महासचिवमा मनोज घर्तीमगर विजय हुनुभएको छ। घर्तीमगरले ३ सय ७९ मत प्राप्त गरेर विजय प्राप्त गर्नुभयो, उहाँका निकटतम प्रतिस्पर्धी दिपेन्द्र शर्माले १ सय ४८ मत प्राप्त गर्नुभयो।
त्यसैगरी, उपमहासचिवमा ज्ञान प्रसाद पौडेल, सचिव खुलामा सुरेन्द्र चालिसे र सन्तोष देउजा, सचिव महिलामा अन्जली थापा, सचिव समावेशीमा अवतार राई र कोषाध्यक्षमा बसन्त गिरी निर्वाचित हुनुभएको निर्वाचन प्रमुख गोविन्द आचार्यले जानकारी दिनुभयो। ९९ सदस्यीय केन्द्रीय समिति र २९ सदस्यीय पदाधिकारीमध्ये अन्य पदहरू निर्विरोध निर्वाचित हुनुभएको छ।
