१७ चैत, काठमाडौं । रोवर्ट लेवान्डोस्कीले दुई गोल गरेपछि बार्सिलोनाले स्पानिस ला लिगामा जिरोनलाई ४-१ ले पराजित गरेको छ ।
यस जितपछि बार्सिलोनाले शीर्ष स्थानमा फेरि ३ अंकको स्पष्ट अग्रता बनाएको छ ।
जिरोनाका लाडिसलाभ क्रेचीले ४३औं मिनेटमा आत्मघाती गोल गरेपछि घरेलु मैदानमा अग्रता लिएको थियो । तर अर्नाउट डान्जुमाले ५३औं मिनेटमा गोल गर्दै खेल बराबरीमा ल्याउँदै लेगानेसलाई खेलमा फर्काए ।
त्यसपछि भने बार्सिलोनाले ३ गोल थप्यो । पोलिस फरवार्ड दुई गोल गर्दै बार्सिलोनालाई अग्रतामा ल्याए । लेवान्डोस्कीले ६१औं मिनेटमा गोल गर्दै बार्सिलोनालाई २-१ को अग्रता दिलाए । उनले नै ७७औं मिनेटमा व्यक्तिगत दोस्रो गोल गरे ।
अर्को गोल फेरान टोरेसले ८६औं मिनेटमा गरे ।
सहज जितपछि २९ खेलबाट ६६ अंक जोडेर बार्सिलोना शीर्ष स्थानमा छ । समान खेलबाट ६३ अंकसहित रियल मड्रिड दोस्रो स्थानमा छ ।
