१७ चैत, काठमाडौं । एर्लिङ हालाण्डले एकै खेलमा पेनाल्टी मिस र गोल गर्दा म्यानचेष्टर सिटीले बर्नमाउथमाथि पुनरामगन जित निकाल्दै एफए कपको सेमिफाइनलमा प्रवेश गरेको छ ।
आइतबार भएको अन्तिम क्वाटरफाइनल खेलमा सिटीले एक गोलले पछि परेको स्थिती उल्टाउँदै बर्नमाउथलाई २-१ ले पराजित गरेको हो ।
सिटीले अब फाइनल प्रवेशका लागि नटिङहम फरेस्टसँग खेल्नेछ । फरेस्टले ब्राइटनलाई पेनाल्टीसुटआउटमा हराएर सेमिफाइनल पुगेको हो ।
आइतबार सार्वजनिक भएको सेमिफाइनल ड्र अनुसार अर्को क्वाटरफाइनल क्रिस्टल प्यालेस र एस्टल भिल्लाबीच हुनेछ ।
बर्नमाउथको घरेलु मैदान भाइटालिटी स्टेडियममा भएको खेलको १४औं मिनेटमा हालाण्डले पेनाल्टी गुमाउँदा सिटीले अग्रता लिने अवसर गुमाएको थियो ।
एभानिलसनले २१औं मिनेटमा गोल गरेपछि बर्नमाउथले घरेलु मैदानमा सुरुवाती अग्रता लियो ।
पहिलो हाफमा एक गोलले पछि परेको सिटीले दोस्रो हाफमा गोल फर्कायो । हालान्डले नै ४९औं मिनेटमा सिटीका लागि बराबरी गोल गरे । त्यसपछि ओमार मारमोउसले ६३औं मिनेटमा सिटीका लागि विजयी गोल गरे ।
आइतबारै भएको अर्को क्वाटरफाइनलमा मार्कस राशफोर्डको दुई गोल मदतमा एस्टन भिल्लाले प्रेस्टन नर्थ एण्डलाई ३-० ले हराएर सेमिफाइनलमा स्थान बनाएको हो ।
