लेखक कमल कोइरालाको निधन

१७ चैत, काठमाडौं । लेखक कमल कोइरालाको निधन भएको छ ।

सिनामंगलस्थित केएमसी अस्पतालमा उपचाररत कोइरालाको केहीबेरअघि मृत्यु भएको पत्रकार किशोर श्रेष्ठले जानकारी गराएका छन् । उनका अनुसार भोलि बिहान ११ बजे नेकपा एकीकृत समाजवादीको कार्यालयमा श्रद्धाञ्जली सभा राखिएको छ ।

उनी केही दिनअघि पक्षघातका कारण अस्पताल भर्ना भएका थिए ।

कमल पूर्वप्रधानमन्त्री मात्रिकाप्रसाद कोइरालाका छोरा हुन् । किशोरावस्थादेखि नै वामपन्थी राजनीतिमा सक्रिय उनी दक्षिण कोरियाका लागि राजदूत पनि बनेका थिए ।