रुकुमपूर्व । भारी हिमपातका कारण मध्यपहाडी लोकमार्गको लुकुम–पातीहाल्ना सडकखण्ड अवरुद्ध भएको छ ।
गएराति देखि परेको हिमपातका कारण उक्त सडक खण्ड अवरुद्ध भएको हो । अहिले सडकमा बाक्लो हिउँ जमेको कारण यातायात सञ्चालनमा समस्या भएको जिल्ला ट्राफिक प्रहरी कार्यालय रुकुम पूर्वका प्रमुख राम औंतार चौधरीले जानकारी दिनुभएको छ । ट्राफिक प्रहरी प्रमुख चौधरीका अनुसार बिहान हिउँ पन्छाउँदै यातायात सञ्चालन गर्दै आए पनि हिउँ परिरहेकाले अहिले सवारीसाधन रोकिएका छन् ।
हरेक वर्षको यही समयमा हिउँले मध्यपहाडी लोकमार्गको लकुम–पातीहाल्ना खण्ड अवरुद्ध हुँदा यात्रुले समस्या झेल्दै आइरहेका छन् ।
