२८ मंसिर, काठमाडौं । सेन्ट्रल एसियन भलिबल एसोसिएसन (काभा) र बेसलाइन भेन्चर्सबीच काभा नेसन्स कप आयोजना गर्न सम्झौता भएको छ ।
शुक्रबार काठमाडौंमा एक कार्यक्रमका बीच काभाका अध्यक्ष मोहमद लतिफ र बेसलाइनका सह-संस्थापक तुहिन मिश्राले सम्झौता पत्रमा हस्ताक्षर गरेका छन् ।
नेपाल भलिबल संघका उपाध्यक्ष भिम ओलीका अनुसार काभा र बेसलाइनबीच १० वर्षका लागि सम्झौता भएको छ।
भारतको प्राइम भलिबल लिगको आयोजक रहेको बेसलाइनले काभा नेसन्स कपको पहिलो संस्करण २०२५ मा भारतमा गर्ने घोषणा गरेको भिम ओलीले जनाएका छन् ।
सम्झौतापछि काभाका अध्यक्ष लतिफले प्राइम भलिबल लिग जस्तो प्रतियोगिता आयोजना गरिसकेको बेसलाइनसँग सहकार्य गर्न पाउँदा खुशी व्यक्त गरे । बेसलाइनमा सह-संस्थापक तुहिन मिश्रले पनि काभा नेसन्स कपका लागि काभासँग सहार्का गर्न पाउँदा खुशी लागेको र यो सेन्ट्रल एसिया गेम चेन्जर भलिबल प्रतियोगिता हुने बताए ।
