काठमाडौं । गायक राजु लामाले नयाँ गीत सार्वजनिक गरेका छन् । चर्चित ब्यान्ड मंगोलियन हार्टका लिड भोकलिस्ट रहेका उनले ‘प्रेम रोग’ बोलको रोमान्टिक गीत ल्याएका हुन् ।
लामाकै शब्द र संगीत रहेको यो गीतको भिडियोमा समेत उनकै अभिनय छ । उनीसँग अभिनेत्री करिश्मा श्रेष्ठले स्क्रिन सेयर गरेकी छन् ।
पवन सुस्लिङको छायांकन तथा सम्पादन रहेको गीतको नृत्य निर्देशन सोनम पाख्रिनले गरेका छन् । म्युजिक भिडियो निर्देशक पनि पाख्रिन नै हुन् । गीतले संगीतको पछिल्लो ट्रेन्ड झल्काउने राजु बताउँछन् ।
‘यो इलेक्ट्रोनिक डान्स म्युजिक हो । गीतले युवतीसँग गहिरो प्रेममा रहेको एक युवकको कथा भन्छ,’ उनले भने, ‘नयाँ स्वाद दिने प्रयत्न गरेको छु । दर्शक÷श्रोताले अपनत्व लिएर सुन्छन् र हेर्छन् भन्ने मेरो विश्वास छ ।’
राजु विगत ३३ वर्षदेखि संगीत क्षेत्रमा निरन्तर सक्रिय छन् ।
