धनकुटा । धनकुटाको धनकुटा नगरपालिकामा पिकअप दुर्घटनामा परी चालक सहित ५ जना घाइते भएका छन्। धनकुटा नगरपालिका-२ भिरगाउँस्थित भित्री सडकखण्डमा सोमबार बिहान हिलेबाट भिरगाउँ जाँदै गरेको बा प्र०१–०३० च ३६५५ नम्बरको पिकअप गाडी अनियन्त्रित भई दुर्घटना भएको हो। दुर्घटनामा परी पिकअपका चालक धनकुटा नगरपालिका -२ भिर गाउँका ३० वर्षीय मिलन दर्लामी, पिकखपमा सवार भिर गाउँकै २१ वर्षीय प्रकाश दर्लामी, १७ वर्षिया तारा दर्लामी, २२ वर्षिया सञ्जय दर्लामी र २८ वर्षीय धनबहादुर लुंगेली रहेको जिल्ला प्रहरी कार्यालय धनकुटाले जनाएको छ। प्रहरीका अनुसार घाइते सबैको बिपी कोइराला स्वास्थ्य विज्ञान प्रतिष्ठान धरानमा उपचार भइरहेको छ। घाइतेहरूको टाउको, हात र खुट्टामा चोट लागेको छ। तीमध्ये चालकको अवस्था अलि गम्भीर रहेको धनकुटाका प्रहरी प्रवक्ता डिएसपी राजबाबु महर्जनले जानकारी दिनुभयो।
