१४ साउन, धनगढी । कैलालीमा कर्तव्य ज्यान मुद्दाका फरार प्रतिवादीलाई २० वर्षपछि पक्राउ गरिएको छ ।
पक्राउ पर्नेमा भजनी नगरपालिका–८ बस्ने ४७ वर्षीय लल्लन जागा रहेका छन् । जागा २०६१ साल ३० जेठदेखि कर्तव्य ज्यान मुद्दामा दोषी ठहर भएर फरार रहेका थिए ।
उनलाई सोमबार बिहान साढे १० बजे बर्दिया मधुवन नगरपालिका–४ ढोडरी बजारस्थित बेलुवा चोकबाट इलाका प्रहरी कार्यालय राजापुर बर्दियाको टोलीले पक्राउ गरेको जिल्ला प्रहरी कार्यालय कैलालीले जनाएको छ ।
उनलाई कैलाली ल्याएर इलाका प्रहरी कार्यालय भजनीको हिरासतमा राखिएको छ । जागालाई आवश्यक कारबाहीका लागि अदालतमा पेश गरिने प्रहरीले जनाएको छ ।
