जनकपुरधाम– सिरहामा प्रतिबन्धित लागुऔषध र हतियारसहित एक युवक पक्राउ परेका छन्। पक्राउ पर्नेमा सिरहाको कल्याणपुर नगरपालिका–२ चतरी बस्ने १९ वर्षीय सुमन कुमार मण्डल रहेको जिल्ला प्रहरी कार्यालय सिरहाले जनाएको छ।
शुक्रवार दिउँसो साढे ३ बजेको समयमा सिरहा नगरपालिका १७ कमला बाँध स्थित ईलाका प्रहरी कार्यालय माडरबाट खटेको प्रहरी टोलीले चेकजाँच गर्ने क्रममा भारतबाट नेपालतर्फ आउदै गरेको साईकल यात्री युवकलाई चेकजाँत गर्दा लागूऔषध बरामद गरेको हो।
प्रहरीले युवकको साथबाट नाइट्राभेट ट्याब्लेट २६ पिस, डाईजेल्याब ३ एम्पुल, सिरिन्ज १ थान, फलामको तरवार १ थान, फलामको फर्सा १ थान, फाईटर ६ थान, पेस्तोल जस्तो आकारको लाइटर गन १ थान र साईकल १ थान बरामद गरेको प्रहरी प्रवक्ता प्रहरी नायव उपरीक्षक सुवास बुढाथोकीले जानकारी दिए।
यस सम्बन्धमा थप अनुसन्धान भइरहेको जिल्ला प्रहरी कार्यालय सिरहाले जनाएको छ।
