काठमाडौं । एक महिलाले आफ्नो श्रीमानको अर्की महिलासँग सम्बन्ध रहेको आशंका गरिन् । यही आशंकाका कारण उनले यस्तो डरलाग्दो कदम चालेकी थिइन् जसले उनलाई जेलमा हाल्यो । ती महिलालाई तीन वर्षको जेल सजाय सुनाइएको छ ।
वास्तवमा महिलाले चक्कुले श्रीमानको गोप्य अंग काटिन् । यो घटना हुँदा श्रीमान निद्रामा थिए । यो घटना जाम्बियाको हो, जहाँ ४ अगस्टमा महिलाले आफ्ना श्रीमानमाथि आक्रमण गरेकी थिइन् । उक्त मुद्दामा यसै साता अदालतले महिलालाई सजाय सुनाएको हो ।
डेली स्टारको रिपोर्ट अनुसार घटना जाम्बियाको कपिरी मपोशीको हो । यहाँ गिभेन चिलुफाया नामकी महिलाले आफ्ना श्रीमान् जिमी एनग्लुबेमाथि आक्रमण गरेकी हुन् । चिलुफयाले श्रीमान्लाई भनिन् कि तिम्रो अर्की महिलासँग अफेयर छ ।
यही विषयलाई लिएर दुवैबीच निकै झगडा भएको थियो । झगडा गरेपछि दुवै सुत्न गए । तर एनग्लुबे सुतेपछि उनकी श्रीमती चिलुफायाले चक्कुले उनको गोप्य भाग काटिन् ।
एनग्लुबेले आफ्नी श्रीमतीलाई चक्कु लिएर उनको अगाडि उभिएकी देखे। पीडाले विलाप गर्दै, एनग्लुबेले आफ्नो भाइलाई बोलाए, जसले उनलाई अस्पताल लगे। जहाँ डाक्टरहरूले शल्यक्रिया गरेर उनको काटिएको भाग जोडिदिए ।
एनग्लुबेले आफ्नी श्रीमती विरुद्ध प्रहरीमा उजुरी दिएका छन् । त्यसपछि प्रहरीले चिलुफयालाई पक्राउ गरेको थियो । मुद्दा अदालत पुग्यो, जहाँ दुवै पक्षको तर्क सुनेर न्यायाधीशले चिलुफयालाई दोषी ठहर गरेको हो । उनलाई २६ अगस्टमा तीन वर्षको जेल सजाय सुनाइएको थियो ।
