काठमाडौं । बेलायतको रोयल मिन्टले गणेश चतुर्थीको पूर्वसन्ध्यामा भगवान गणेशको तस्बिरसहितको सुनको बिस्कुट जारी गरेको छ । यो सातादेखि २० ग्राम तौलका बिस्कुट अनलाइनबाटै बिक्री हुने भएको छ । तिनीहरूको मूल्य १११०.८० पाउन्ड हो। गत वर्ष रोयल मिन्टले दीपावलीमा लक्ष्मीको छविसहितको बिस्कुट जारी गरेको थियो ।
दुवै बिस्कुट इमा नोबेल नामक डिजाइनरले बनाएका हुन् । नयाँ सिक्कामा गणेशको हातमा थाली र खुट्टामा लड्डू राखिएको छ । रोयल मिन्टले आफ्नो ट्वीटरमा लेखेको छ, “शुभांकर भगवान गणेशलाई रोयल मिन्टले पहिलो पटक २० ग्राम सुनको बिस्कुटमा सम्मान गरेको छ।”
