सशस्त्र प्रहरीद्वारा तीन लाख साढ़े पाँच हजार भारतीय रूपैयाँ बरामद

चन्द्रसूर्य समाचारदाता/
बारा, ९ वैशाख ।
सशस्त्र प्रहरी बल नेपालले बाराबाट तीन लाख पाँच हजार छ सय ४० भारतीय रूपैयाँसहित एक थान मोटरसाइकल बरामद गरेको छ ।

सशस्त्र प्रहरी बल नेपालको सिम्रौनगढ न.पा.-९ झरोखर स्थित बिओपी गोलागंज मातहत FOB झरोखरबाट स.प्र.स.नि. अरुण नकर्मीको कमाण्डमा खटिएको ५ जनाको चेक प्वाईन्ट टोलीले नेपालबाट भारततर्फ जादै गरेको BR05T 4459 नं. को भारतीय मो.सा.लाई शंका लागि चेकजाँच गर्न खोज्दा मो.सा. चालक र मो.सा.मा सवार नाम वतन नखुलेको व्यक्तिहरु मो.सा. र ब्रिफकेस छाडी फरार भएको हुंदा उक्त ब्रिफकेस चेक जांच गर्दा भारतिय रु. ३,०५,६४० फेला परेको सशस्त्र प्रहरी बल नेपाल नं.१२गण, बाराले जनाएको छ ।

विहीबार राती १०:३० बजेको समयमा भारतीय २००० को नोट ४९ थान, भारू. ५००को ७२ थान, भारू २००को १९९थान, भारू १००को ९५७ थान, भारू ५०को ४७७थान, २०को ५३५ थान र १० को १५९ थान गरि तीन लाख पाँच हजार ६ सय ४० रुपैयाँ र उक्त मोटरसाइकल बरामद गरि आवश्यक कार्यवाहीको लागि राजस्व चुहावट नियन्त्रण कार्यालय पथलैयामा बुझाइएको सशस्त्र प्रहरी बल नेपाल, गण १२ बाराले जनाएको छ ।