काठमाडौं ०६ बैशाख,
प्रधानमन्त्रीको सरकारी निवास बालुवाटारमा सत्तागठबन्धनको बैठक बसेको छ।
आज अपरान्ह ३ बजेदेखि बैठक बसेको हो।
६ महानगर र ११ उपमहानगरमा भागबन्डा गर्नेबारे निर्णय लिन प्रधानमन्त्री शेरबहादुर देउवासहित पाँचदलीय गठबन्धनका शीर्ष नेताहरू छलफलमा जुटेका छन्।
६ महानगरपालिका मध्ये नेपाली कांग्रेसले काठमाडौं, ललितपुर र विराटनगर लिनेबारे छलफल भइरहेको छ भने भरतपुर नेकपा माओवादी केन्द्रलाई, पोखरा नेकपा एकीकृत समाजवादीलाई र वीरगञ्ज जसपालाई मेयर दिनेबारे छलफल जारी रहेको छ।
