चन्द्रसूर्य समाचारदाता/
वीरगंज, १८ चैत्र/ सशस्त्र प्रहरीले वीरगंजबाट कारसहित तस्करी हुन लागेको गाँजा बरामद गरेको छ ।
बिहिवार राती ९:४५को समयमा विशेष सूचनाको आधारमा वीरगंज-२० हरपतगंज स्थित सड़क खण्डबाट सशस्त्र प्रहरीले
नम्बर नखुलेको इंजिन नम्बर 4751D101KQQ P 28747 र चेसिस नम्बर *600131KQQP2797) TATA Indica DLE गाड़ी र सोको डिकी भित्र लुकाई राखिएको ३० किलो ग्राम गाँजा बरामद गरिएको सशस्त्र प्रहरी बल नेपाल नं.२ छिन्नमस्ता बाहिनी मुख्यालय महोत्तरीका प्रमुख सशस्त्र प्रहरी नायब महानिरीक्षक गणेश ठाडा मगरले बताउनु भयो ।
सशस्त्र प्रहरी बल नेपाल नं. २ छिन्नमस्ता बाहिनी मुख्यालय महोत्तरीबाट खटिएको सशस्त्र प्रहरी हवल्दार बशिष्ठ पटेलको कमाण्डमा चार जना समुहको स्क्वायड टोली र सुरक्षा वेश वीरगंजबाट सशस्त्र प्रहरी नायब निरीक्षक पाण्डव प्रसाद मैनालीको कमाण्डमा खटिएको ७ जनाको टोलीले चेक प्वांइट थापी चेक जाँच गरीराखेको अवस्थामा सो चेक प्वाइन्ट टोलीलाई देखि चेक पोइन्ट भन्दा ५० मीटर पर सड़कको बीचमा बिना नम्बर प्लेटको उक्त गाड़ी छोड़ी व्यक्ति भागेको थियो ।
सो गाड़ी नियन्त्रण लिई चेक जाँच गर्दा परिमाणको गाँजा समेत बरामद गरिएको डीआईजी मगरले बताए ।
