बेहुलाले सार्वजनिक रूपमैं बेहुलीलाई ढोगेपछि…

केही समयअघि भारतको कुनै एउटा गाउँमा भव्य विवाह उत्सव चलिरहेको थियो । जब बेहुला र बेहुलीको स्वयम्बर गर्ने समय आयो, विवाह गराउन आमन्त्रित पण्डितले बेहुलीलाई स्वयम्बर गर्ने स्थानमा ल्याउनलाई भने ।
केहीबेरमा बेहुली विवाहमण्डपमा आइन र बेहुलालाई वरमाला पहिर्‍याइदिइन् । जब बेहुलीले बेहुलालाई माला पहिर्‍याइदिइन् तब बेहुलाले बेहुलीको खुट्टा निहुरिएर ढोगे । यो अवस्था देखेर तमाम घरगाउँले र जन्तीहरू आश्चर्यमा परेझैँ भए, केही गलल्ल हाँसे र यो के गरेको भनी बेहुलालाई प्रश्न गर्न लागे ।
प्रश्नको जवाफ बेहुलाको यस्तो थियो :-
१) यिनी मेरो घरको लक्ष्मीको रुपमा भित्रिने छिन् ।
२) यिनले आफ्नो जीवनको प्रवाह नगरी मृत्युसंग पौंठेजोरी खेल्दै मेरो वंशलाई अगाडि बढाउने छिन् ।
३) यिनले मेरा सन्तान र बुबाआमाको हेरचाह गर्ने छिन् ।
४) यिनले हरेक समयमा मेरो खोजी गर्ने छिन् ।
५) यिनले मेरो परिवारलाई खाना बनाएर खुवाउने छिन् ।
६) यिनले परिवार र समाजमा कुशल नेतृत्व प्रदान गरि मेरो पहिचान दिनेछिन् ।
७) यिनले आफ्ना बुबाआमा, दाजुभाइ, दिदिबहिनी र सँगसँगै खेलेका, पढेका अनि हुर्केका साथीहरू समेतलाई छोडेर मसँग जीवन जिउन हिम्मत गरेकी छिन् ।
८ ) यिनले सम्पूर्ण जीवन नै म भनेर सुम्पेकी छिन् ।
लाै अब तपाईंहरू भन्नुहोस् त मैले उनलाई ढाेगेर र उनको समर्पित जीवनलाई सम्मान गरेर के बिगारे ?
हाम्रो समाजमा एउटी महिला भनेर हेलाँ, हिंसा गर्ने कि यो हाम्रो समाज र घरपरिवारले उनलाई उच्च सम्मान दिने ? विचार तपाईको !