चन्द्रसूर्य समाचारदाता/
वीरगंज २५ पौष / वीरगंजस्थित भवानी हस्पिटल एण्ड रिसर्च सेन्टरका निर्देशक एशोसिएसन अफ प्राईभेट हेेल्थ ईन्सिच्युट्सन नेपाल (अफिन)को प्रदेश नं. २ को अध्यक्षमा चयन भएका छन् ।
वीरगंजस्थित भिष्वा होटलमा एशोसिएसन अफ प्राईभेट हेेल्थ ईन्सिच्युट्सन नेपाल (अफिन) केन्द्रlय कार्यालय काठमाण्डौले गरेको प्रदेशसभामार्फत प्रदेश कमिटी विस्तार गरिएको जनाइएको छ ।
प्रदेश नं. २ को कार्यसमितिमा अध्यक्ष राम श्रेष्ठसहित ७ जनाको कार्यसमिति विस्तार भएको हो । जसमा कोषाध्यक्ष आशाराम अस्पतालकी निर्देशिका निभा दास, महासचिव पदमा ए.एम.सी अस्पतालका संचालक नरेन्द्र कुमार साहलाई चयन गरिएको छ । अन्य रिक्त रहेका पदहरुमा भने पछि चयन गरिने अध्यक्ष श्रेष्ठले बताउनु भयो ।
अफिनका केन्द्रिय वरिष्ठ उपाध्यक्ष एवं अल्का अस्पताल जावलाखेल काठमाण्डौका अध्यक्ष कुमार थापा (तिलक)को प्रमुख आतिथ्यता भएको सो प्रदेश सभामा प्रदेश नं.-२ अन्तर्गत रहेका २७ वटा अस्पतालका प्रमुख, प्रतिनिधि, डाक्टरहरुको सहभागिता रहेको थियो ।
कार्यक्रममा सहभागीहरुले संस्थालाई बलियो तुल्याई अन्य प्रदेशहरुमा समेत विस्तार गर्दै लैजानु पर्ने कुरामा जोड दिएका थिए ।
ए.एम.सी अस्पताल वीरगंजका प्रवन्ध निर्देशक जनार्दन सिंह क्षेत्रीको सभापतित्वमा सम्पन्न सो सभामा स्वगत मन्तव्य भवानी अस्पतालका निर्देशक राम श्रेष्ठले गरेका थिए ।
नवगठित सम्पूर्ण पदाधिकारीहरुमा चन्द्रसूर्य वाणी दैनिक परिवार हार्दिक बधाईका साथै कार्यकाल सफलताको शुभकामना व्यक्त गर्दछ ।
