चन्द्रसूर्य समाचारदाता/
वीरगंज, ३ जेष्ठ/
राजसंस्था पुनस्र्थापनाको माग गर्दै नेपाल राष्ट्रवाद संघले वीरगंजमा जुलुस प्रदर्शन गरेको छ ।
संघका केन्द्रिय अध्यक्ष जनकलाल साहको नेतृत्वमा वीरगंजको घण्टाघरबाट निस्केको र्याली मास्थान, आदर्शनगर चोक, अलखिया मठ, कैलाश चोक, घडिअर्वा पोखरी हुँदै पुनः घण्टाघरमा पुगेर कोणसभामा परिणत भई सम्पन्न भएको थियो ।
नगर परिक्रमा गर्ने क्रममा नेपाल राष्ट्रवाद संघमा आवद्ध तथा सर्वसाधारणसहितको सो र्यालीमा सहभागिहरूले हाम्रो राजा हाम्रो देश प्राण भन्दा प्यारो छ, राजसंस्था अमर रहोस्, राजसंस्था र हिन्दू अधिराज्य पुनर्स्थापना गर भन्ने नारासहित नगर परिक्रमा गरेका थिए ।
सैयौंको संख्यामा सहभागी सो जुलुस प्रदर्शन पश्चात निकै समयदेखि सुस्ताएर बसेको राजसंस्था समर्थकहरूको मनमा पुनः ऊर्जा प्रदान गरेको सहभागीहरूले बताए ।
देशमा बढ्दो राजनैतिक अस्थिरथा, चरम अत्याचार, अनाचार, दूराचार, दण्डहिनता, हत्या, हिंसा, बलात्कार, बेरोजगार, अपहरण, बलात्कार, भ्रष्टाचार, वैदेशिक हस्तक्षेप र धर्मान्तरणलगायतका गम्भीर विषयहरूबाट वर्तमान दलीय व्यवस्थाले निकास दिन नसक्ने स्पष्ट भइसकेको अवस्थामा राजसंस्था पुनस्र्थापनाले मात्र देशको विद्यमान सबैखाले विभेद र समस्या समाधान हुने कुरामा सहभागिहरूले जोड पदएका थिए ।
