राकेश चौरसिया÷
पूर्व युवराज पारस वीर विक्रम शाहलाई तेश्रो पटक ह्दय घात भएर अस्पताल भर्ना गरिएको खबर सनसनीपूर्ण तरीकाले फैलिएपछि देशभरका शुभचिन्तक र मानवीय संवेदनाका धनी व्यक्तित्वहरूले उनको स्वास्थ्यलाभको कामना गर्दै विभिन्न देवी देउता समक्ष प्रार्थना गर्न थालेका छन् ।
यसै क्रममा पर्साको वीरगंजबाट प्रकाशित हुने क्राइम चेक साप्ताकि र चन्द्रसूर्य वाणी दैनिकका सम्पादक सन्तोष मिश्र, कलैया–१६ बाराका अनिल कुशवाहा, पकहाँ मैनपुरका राकेश चौरसिया, विराटनगर–१ निवासी राजनीतिक विश्लेषक एवं स्तम्भकार स्वयम्भुनाथ कार्की, काठमाण्डौ बस्ने सिर्जना वाग्ले, मानव सेवक, सोम विक्रम सिंहलगायत विभिन्न राष्ट्रवादी संघ संगठनमा आवद्ध व्यक्ति, पदाधिकारी एवं सर्वसाधारण नागरिकहरूले पूर्व युवराज पारस वीर विक्रम शाहदेवको स्वास्थ्य अवस्थाबारे चिन्तित भई उनको पूर्ण र शीघ्रातीशीघ्र स्वास्थ्यलाभको कामना गरिरहेका छन् ।
सोही क्रममा राष्ट्रिय नागरिक संघर्ष समिति एवं राष्ट्रवादी शान्ति समुह बारा–पर्साका संयोजक अब्दूल सतार अंसारीको नेतृत्वमा वीरगंजको घण्टाघरमा दीप प्रज्वलन गरी पूर्व युवराज पारस वीर विक्रम शाहदेवको शीघ्र स्वास्थ्यलाभको लागि प्रार्थना गरियो ।
मुस्लिम र हिन्दूहरूको उल्लेख्य उपस्थिति रहेको सो प्रार्थना समारोहमा मुस्लिम र हिन्दूहरुले आ–आप्mनो धर्म र परम्परा अनुसार पूर्व युवराज पारसको स्वास्थ्यलाभको कामना गर्दै अल्लाह र इश्वरस“ग प्रार्थना गरेका थिए ।
सो कार्यक्रममा राष्ट्रिय नागरिक संघर्ष समितिका पर्साका संयोजक एवं राष्ट्रवादी शान्ति समुह बारा पर्साका संस्थापक अध्यक्ष अब्दुल सतार अंसारी, हिरा बहादुर थापा, महेन्द्र प्रसाद साह, इन्दू देवी, रामअयोध्या प्रसाद, भूषण दास तत्वा, इन्दू गिरी, जनक साह, महेन्द्र साह, शत्रुध्न साह लगायत उल्लेख्य मात्रामा सर्वसाधारणहरुको उपस्थिति रहेको थियो ।
(पर्साको वीरगंजबाट प्रकाशित हुने क्राइम चेक साप्ताहिकमा माघ १७ गते प्रकाशित)
