वीरगंज/प्रहरीले गोलीसहितको रिभल्वर र नलकटुवा पेस्तोलसहित पाँच जनालाई बाराको सिम्रौनगढबाट पक्राउ गरेको छ।
प्रहरीले सिम्रौनगढ नगरपालिका-११ भगवानपुर बस्ने ४० वर्षीय उपेन्द्र पटेल, २७ वर्षीय धिरेन्द्र पटेल, ६२ वर्षीय रुपलाल पटेल, रौतहट बौधीमाई नगरपालिका-२ बस्ने ४४ वर्षीय राजमंगल पटेल र सोही स्थानका ८० वर्षीय शोभा राउतलाई पक्राउ गरेको हो।
उपेन्द्रले घरमा अवैध रुपमा हतियार लुकाइछिपाइ राखेको सूचना पाएपछि इलाका प्रहरी कार्यालय सिम्रौनगढबाट खटिएको प्रहरीले घर खनतलासी गरेको थियो। सोही क्रममा उक्त हतियार बरामद भएको प्रहरीले जनाएको छ।
हतियारसहित पक्राउ परेका पाँचैजनालाई प्रहरी नियन्त्रणमा राखी थप अनुसनधान भइरहेको प्रहरीले बताए।
