वीरगञ्ज । वीरगञ्ज महानगरपालिका–१६ मा स्कुल बसको ठक्करबाट एक जनाको मृत्यु भएको छ । नगवा सडक खण्डमा दुर्घटना हुँदा साइकलयात्रीको मृत्यु भएको हो ।
मृत्यु हुनेमा बाराको फेटा गाउँपालिका–५ बस्ने ४५ वर्षीय तयामुद्दीन मियाँ रहेको जिल्ला ट्राफिक प्रहरी कार्यालय पर्साका प्रहरी निरीक्षक लोकराज भट्टले जानकारी दिनुभयो ।
वडा नं. १६ मै रहेको तेजस एकेडेमीको ना ५ ख १५०४ नम्बरको बसले साइकलमा यात्रारत मियाँलाई ठक्कर दिँदा उनको घटनास्थलमै मृत्यु भएको प्रत्यक्षदर्शीले जनाएका छन् ।
