काठमाडौं । ‘द मिस ग्लोब’को उपाधि कोलम्बियाले जितेको छ । बुधबार बिहान अल्बानियामा भएको फिनालेमा कोलम्बियाकी डायना मोरेनोले ताज पहिरिएकी हुन् ।
नेपालकी मोनिका अधिकारी भने अन्तिम १६ सम्म पुग्न सफल भइन् । मिस ग्लोबमा यो नेपालको यो महत्वपूर्ण उपलब्धि हो । २० दिनसम्म चलेको प्रतियोगितामा मोनिका ‘हेड टु हेड च्यालेन्ज’ र ‘मस्ट पपुलर’ बिधामा फाइनलिस्ट पनि बनिन् ।
अधिकारी शुक्रबार स्वदेश फर्किदैंछिन् । मिस ग्लोब नेपाल मिस्टर एन्ड मिस नेसनलभित्रकै एक महत्वपूर्ण उपाधी हो । सनुर्वी इन्टरनेसनलका अध्यक्ष तथा पूर्वमिस्टर नेपाल सन्तोष उपाध्यायले सन् २०२१ मा मिस्टर सुप्रानेसनलमा थर्ड रनरअपसहित २ सहविधा जितेका थिए ।
