१३ असोज, काठमाडौं – नेपालले त्रिकोणात्मक टि२० आई सिरिजमा ओमानविरुद्ध टस हारेर पहिला ब्याटिङ गर्दैछ । किंग सिटीमा ओमानका कप्तान अकिब इलियासले टस जितेर नेपाललाई ब्याटिङको निम्तो दिएका हुन् ।
नेपालले आजको खेलमा टोलीमा एक परिवर्तन गरेको छ । सोमपाल कामीलाई बेन्चमा राख्दा गुलशन झालाई प्लेइङ ११ मा मौका दिएको छ । पहिलो खेलमा नेपाल क्यानडासँग १४ रनले पराजित भएको थियो ।
नेपालको प्लेइङ ११ :
आसिफ शेख, कुशल भुर्तेल, अनिल साह, रोहित पौडेल, कुशल मल्ल, दीपेन्द्रसिंह ऐरी, गुलशन झा, करण केसी, रिजन ढकाल, सन्दीप लामिछाने र देव खनाल ।
