चन्द्रसूर्य समाचारदाता/
जनकपुरधाम, २१ असार/
सशस्त्र प्रहरीले धनुषाबाट श्रोत नखुलेको ८३ लाख ६४ हजार रुपैयाँसहित दुई जनालाई पक्राउ गरेको छ।
मंंगलबार दिउँसो करिब सवा १ बजे धनुषाको जनकनन्दनी गाउँपालिका–१ इनर्वा चेक प्वाइन्टको सीमा इलाकामा आलुको बोरामा लुकाई छीपाई ल्याउँदै गरेको ८३ लाख ६४ हजार ५ सय रुपैयाँ बरामद गरिएको सशस्त्र प्रहरी बल नेपाल नं.२ छिन्नमस्ता बाहिनी मुख्यालय महोत्तरीका प्रमुख सशस्त्र प्रहरी नायब महानिरीक्षक गणेश ठाडा मगरले बताउनु भयो ।
सशस्त्र प्रहरी प्रहरी निरीक्षक शम्भु कटुवालको कमाण्डमा खटेको प्रहरी टोलीले भारतबाट ज ७ प ५००७ नम्बरको मोटरसाइकलमा आलुको बोरामा राखेर आइरहेकोमा शंकाको आधारमा चेकजाँच गर्दा स्रोत नखुलेको रकम सहित जनकनन्दनी गाउँपालिका-५ उदाह बस्ने ३६ वर्षीय ईश्वर मण्डल र १९ वर्षीय राजेश मण्डललाई पक्राउ गरिएको सशस्त्र प्रहरी नायब महानिरीक्षक मगरले बताउनु भयो।
सशस्त्र प्रहरीले १ हजारको ७ हजार थान नोट, ५ सयको २ हजार ६९९ थान नोट, १ सयको १ सय थान नोट, ५० को १ सय थान नोट नियन्त्रणमा लिएको छ।
आवश्यक अनुसन्धान तथा कारबाहीको लागि व्यक्ति¸ नगद र मोटरसाइकल भन्सार कार्यालय जनकपुरमा बुझाउने तयारी भइरहेको सशस्त्र प्रहरीले जनाएको छ।
हेर्नुहोस भिडियो:
