चन्द्रसूर्य समाचारदाता/
वीरगंज, ३ फागुन/ सशस्त्र प्रहरीले वीरगंजबाट झण्डै चार किलो प्रतिबन्धित लागुऔषध चरेश बरामद गरेको छ ।
सशस्त्र प्रहरी बल नेपाल नं. १३ गण, हे.क्वा. पर्सा वीरगंजबाट खटिएका सशस्त्र प्रहरी नायब उपरीक्षक सन्तोष कुमार बस्नेतको कमाण्डमा खटिएको गाडी मोबाईल टोलीले वीरगंज-१६ इनर्वा गाउँदेखि उत्तरतर्फ अहिर्वा गाउँ जाने कच्ची बाटोबाट सो परिमाणको लागुऔषध चरेश बरामद गरेको समाचारमा जनाइएको छ ।
सशस्त्र प्रहरीले सो ठाउँमा चेकप्वाइन्ट थापेको देख्नासाथ नेपालबाट भारततर्फ जाँदै गरेको एक जना अपरिचित व्यक्तिले तरकारी बोक्ने झोला फाली भागेपछि सशस्त्र प्रहरीले सो झोला बरामद गरी चेकजाँच गर्दा कार्टुन टेपले बेरिएको ८ वटा प्याकेटमा रहेको ३ केजी ९०० ग्राम लागुऔषध चरेस बरामद गरी आवश्यक कारवाहीकोलागि जिल्ला प्रहरी कार्यालय पर्सामा पठाइएको सशस्त्र प्रहरीले बल नेपालले जनाएको छ ।
