चन्द्रसूर्य समाचारदाता/
वीरगंज, २८ माघ/
सशस्त्र प्रहरी बलले भारी मात्रामा सर्लाहीबाट प्रतिबन्धित लागु औषध बरामद गरेको छ ।
सर्लाहीको बरहथवा नपा १७ नहर नजिकको सडकमा सूचनाको आधारमा चेकजाँच गर्न गएको सशस्त्र प्रहरीं बलको टोलीलाई हेर्दा बा.५५प ९२९ को कालो रंगको पल्सर मोटरसाइकिल र बोरा छोडेर फरार भएका थिए ।
सो मोटरसाइकिल र बोरा चेक जाँच गर्दा १ बोरा भित्र ४० वटा बक्सा भित्र १२ हजार पिस प्रतिबन्धित लागुऔषध नाइट्रोभेट बरामद गरिएको सशस्त्र प्रहरी बल नेपाल नं.२ छिन्नमस्ता बाहिनी मुख्यालय महोत्तरीका प्रमुख सशस्त्र प्रहरी नायब महानिरीक्षक गणेश ठाडा मगरले बताउनु भयो ।
बरामद भएको मोटरसाइकल र लागुऔषध सशस्त्र प्रहरी बल नेपाल नं. १० गण सर्लाहीमा राखेर नेपाल प्रहरीलाई बुझाउने तयारी भइरहेको डीआईजी मगरले बताउनु भयो ।
बरामद मोटरसाइकल चालक र धनिको खोजि भैरहेको सशस्त्र प्रहरी बलले जनाएको छ ।
