काठमाडौं। काभ्रे दाप्चाका अर्जुबहादुर लामाको हत्या आरोपी अग्निप्रसाद सापकोटा प्रतिनिधिसभाका सभामुखमा निर्विरोध निर्वाचित भएका छन् ।
६२ सालमा अर्जुनको हत्या माओवादी कार्यकर्ताले गरेका थिए । उनको हत्याको कारण थियो राजा ज्ञानेन्द्रका साला पर्ने निक्ष शमशेरसँगको निकटता ।
स्वर्गीय अर्जुनबहादुर लामाकी पत्नी पूर्णिमाया लामाले भनेकी छिन्, “मेरो पति पहिले राप्रपामा हुनुहुन्थ्यो । राजाका साला पर्ने निक्षे शमशेरस“ग मिलेर घर बनाउनु भएको भन्ने मैले सुनेको थिए“ । त्यही निक्षे भन्नेस“ग नजिक भएको भनेर माओवादीले लगेको भन्ने मलाई थाहा छ ।”
निक्षे शमशेर राजा ज्ञानेन्द्रले सत्ता हातमा लिँदाका राज्यमन्त्री थिए ।
केही समय अघि उनी एक धार्मिक संस्था कब्जा गर्ने प्रयासमा पनि लागेका थिए ।
काठमाडौंको बाँसबारीस्थित विश्व हिन्दु महासंघ अन्तर्राष्ट्रियको भवन कब्जा गर्ने प्रयासमा लागेका बेला उनलाई पूर्वराजाका कारण उनी रोकिए ।
अहिले भने उनी सार्वजनिक कार्यक्रमहरुमा जाँदा पनि राजषी ठाँट देखाउने धुनमा बेहुलो जस्तो भएर प्रस्तुत हुने गर्छन् ।
राजाको शासन समाप्त भएपछि विदेश भासिएका निक्षे अहिले नेपाल फर्केर धार्मिक संस्था कब्जा गर्ने, धार्मिक अभियान सञ्चालन गर्ने भन्दै विभिन्न क्रियाकलाप गर्दै हिँडेका छन् ।
आफ्नो समूहका अर्जुनबहादुर लामालाई माओवादीहरुले हत्या गरेपछि निक्षे कहिले पनि मृतक परिवारको सम्पर्कमा नगएको स्रोतको दावी छ । उनले कहिले पनि अर्जुनको परिवारप्रति सहानुभूति पनि जनाएनन् । मृतकका परिवारले न्याय पाउनुपर्छ भनेर नागरिक समाज उत्रिरहेको बेला निक्षे भने बेहुलो झै सिँगारिएर हिँड्ने गरिरहेका छन् ।
विकासटाइम्सबाट साभार
