१७ असोज, काठमाडौं – नेपालले त्रिकोणात्मक टी२० आई सिरिजमा ओमानलाई १ सय ५८ रनको लक्ष्य दिएकोछ । किंग सिटीमा टस हारेर पहिला ब्याटिङको निम्तो पाएको नेपालले २० ओभरमा ७ विकेट गुमाउँदै १५७ रन बनायो ।
नेपालका कप्तान रोहित पौडेलले ४४ बलमा २ चौका र ४ छक्कासहित ५६ रनको अविजित अर्धशतकीय इनिङ खेले । अन्य ब्याटरले भने खासै राम्रो गर्न सकेनन् ।
ओपनर अनिल साह ११, आसिफ शेख १६, देव खनाल १८, दीपेन्द्रसिंह ऐरी १, गुल्सन झा २ र कुशल भुर्तेल ११ रनमा आउट भए ।
ओमानका फयाज बटले ४ ओभरमा २३ रन खर्चेर ३ विकेट लिए । कलिमुल्लाह, सकिल अहमद र अकिब इलियासले १(१ विकेट लिए ।
