१२ असोज, काठमाडौं – नेपाल क्रिकेट संघ (क्यान) ले सन् २०२५ आर्थिक अनुमानित वार्षिक बजेट ६९ करोड ५० लाख रुपैयाँ पारित गरेको छ ।
पोखरामा सम्पन्न क्यानको वार्षिक साधरण सभाले उक्त अनुमानित बजेट प्रस्तुत गरेको हो । क्यानको आगमी आर्थिक वर्षको बजेट ६९ करोड, ५० लाख, ५३ हजार, ४ सय ४१ रुपैयाँ १३ पैसा रहने जनाएकोछ ।
उक्त पैसा क्यानले अन्तर्राष्टिय क्रिकेट परिषद (आईसीसी), राष्टिय खेलकुद परिषद् (राखेप), टिकट, प्रायोजक, क्रिकेट मैदान भाडामा, बोडकाष्ट, मर्चेन्डाएजिङ लगायत विभिन्न क्षेत्रबाट पुर्ति गर्ने जनाएको छ ।
क्यानलाई आसीसीले वार्षिक २४ करोड ५५ लाख २० हजार प्रदान गर्नेछ । क्यानलाई आईसीसीले एसीसीबाट सोधभर्ना अनुदान ९३, २९१, ८५० रहने अनुमान गरेको छ । त्यस्तै एसीसीले ३९,६००, ००० अनुदान दिनेछ ।
उक्त बजेटबाट क्यानले मुख्य प्रशिक्षक, प्रादेशिक प्रशिक्षक, मैदान कर्माचारी, क्युरेटर, कार्यालय, खेलाडीलाई प्रदान गर्ने पुरस्कार, क्यानको बैठक र सभा लगायतमा झण्डै २२ करोड खर्च हुने अनुमान पनि गरेको छ । ग्रास रुट, घरेलु प्रतियोगिता र नेपालको खेलमा खर्च गर्नेछ ।
