६ भदौ, काठमाडौं । साफ यु-२० च्याम्पियनसिप अन्तर्गत समूह ए को अन्तिम खेलमा नेपालले बंगलादेशलाई २-१ ले पराजित गर्दै समूह विजेता बनेको छ ।
नेपालका लागि समिर तामाङ र निराजन धामीले गोल गरे । सातदोबाटोस्थित एन्फा कम्प्लेक्समा भएको खेलमा नेपालले २० मिनेटभित्रै दुई गोल गरेको थियो। तर बंगलादेशले पहिलो हाफमै पेनाल्टीमा एक गोल फर्कायो ।
नेपालका प्रमुख प्रशिक्षक उर्जन श्रेष्ठले जसरी पनि जित्नुपर्ने खेल जितेको बताए । ‘उनीहरुलाई बराबरी पनि पर्याप्त थियो । त्यही भएर हामीले गोल गरेपछि उनीहरुले पनि चढेर खेल्यो र प्रेसर दियो । हामीलाई लामो बलमा गाह्रो भएको थियो । दोस्रो हाफमा हामीले मिडफिल्डमा कन्ट्रोल गरेर खेल्यौं’, उनले भने ।
