Tuesday, March 18, 2025
घरसमाचारमहोत्तरीमा ट्रकमा राखेर ल्याउँदै गरेको ५४७ किलो गाँजा बरामद

महोत्तरीमा ट्रकमा राखेर ल्याउँदै गरेको ५४७ किलो गाँजा बरामद

३ चैत, जनकपुरधाम । महोत्तरीबाट ठूलो परिमाणमा लागूऔषध गाँजा बरामद भएको छ ।

सिन्धुलीबाट बर्दिबासतर्फ आउँदै गरेको बा ३ ख ५८३२ नम्वरको मिनिट्रकलाई रोकेर चेकजाँच गर्दा ३५ पोकामा लुकाएर लगिँदै गरेको ५४७ किलो गाँजा बरामद भएको महोत्तरी प्रहरीले जनाएको छ ।

बर्दिबास नगरपालिका ३ अस्थायी ट्राफिक प्रहरी पोष्ट गौरीडाँडा स्थित शंका लागेर चेकजाँच गर्दा उक्त ट्रकको हुडमा फल्स बटम बनाई कालो त्रिपालले छोपेर लुकाई राखेर सो परिमाणमा गाँजा बरामद भएको महोत्तरीका प्रहरी प्रवक्ता डिएसपी सन्तुलाल जयसवारले जानकारी दिए ।

उनका अनुसार मिनिट्रक र चालक सिन्धुपाल्चोक बाह्रबिसे नगरपालिका ७ घर भई हाल काठमाण्डौं महानगरपालिका ६ टोखा ग्रिनल्याण्ड स्थित डेरा गरी बस्ने ३७ वर्षीय सलिन मगरलाई नियन्त्रणमा लिइएको छ ।

उनीमाथि थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।

साभार लिंक

अर्को के पढ्ने...
- Advertisment -spot_img
- Advertisment -